|
SubscriptionsSites I Read
|
|
|
|
| 其實某程度上都幾嬲。
咁多人黎睇但係留言都冇個囉.
我想講既係,,你地買份報紙都要5蚊啦.連個cm都吝嗇既話就唔好黎啦.
又要睇但又唔想付出,呢d簡直係自私既行為.
冇錯,cm的確只係1堆數據,我地並唔係為cm而開呢個xg,只係咁樣對於我地黎講係鼓勵囉
每日上黎睇見到好多人黎過但係咩都冇留低真係好失望.
如果我地係自私既話,我地大可以將d野lock起晒俾我地留為紀念,洗嘜公開俾人睇?
我地只係想帶歡樂俾大家,,發揚38精神姐...("|||)
唔該你地都尊重下我地,雖然我地係想俾大家歡樂1下,但都唔好話黎就黎,話走就走囉.
ｙａｎ子＠是緋黨ａｌｌ ｒｉｇｈｔｓ ｒｅｓｅｒｖｅｄ(c)
| | |
| ２００７年１１月１３日
班籃一賽同學情緒高漲 教師們劫數難逃
【是緋專訊】期待已久既畢業班籃球揭幕賽今日已於李嘉誠中學籃球場上圓滿結束，是日賽事由氣勢如洪既５ｂ對批踭矛柴７ｂ。
超人難敵矛友 多名隊友損傷慘重
係比賽期間，儘管係５ｂ同學心目中既英雄－超人迪加多次被敵方熊抱而擺出一副不屑仍既樣子，但佢仍然奮身賣命，連連入左幾球罰球。但由於雙方戰況過於激烈，即使係超人都難逃拗柴既命運，但佢仍然抗戰到底。
當各位同學正屏息靜氣既時候，球賽中段稍有停頓，５ｂ班號稱ｍｏｎｋｅｙ既班會主席突然揭起班衫，露出一個大肚腩，現場觀眾馬上哄動起黎。唔知佢係咪想用呢個方法挫１挫敵方既銳氣，「未見其人先見其腩」呢一招的確起左作用，嚇得敵方一度分數停滯不前。
但係不幸既事一件接一件，５ｂ班參賽既其中一員東東慘遭毒腳，被人有意無意「狠狠」咁跌左一腳，佢痛得抱腳坐地，被逼離場。傳聞佢係參賽前已身負腳傷，呢次既１跌簡直令佢雪上加霜。
周ｓｉｒ不識時務 驅趕同學離場
正當５ｂ班既大伙兒正興高采烈咁影大合照既時候，周ｓｉｒ由１樓教員室既窗口大叫：「喂，快ｄ返課室點名啦！」，情境仿似某大象牌香米廣告中１ｄ手拿鑊剷由窗口喊住食飯既師奶。擾攘良久，周ｓｉｒ終於忍唔住走落去球場再次叫５ｂ班同學返課室點名。就當時同學既情況而言，佢地猶如聾但不啞人士，將周ｓｉｒ半推半就咁影左一張強迫照，一臉被人迫得狼狽為奸既樣子。
５ｂ同學大肆侵略 升降機都唔放過
被周ｓｉｒ如趕雞仔般趕走後，一批同學心有不忿，於是一群人走去搭升降機。但當升降機於某層"叮"一聲開門時，教師ｐｉｚｚａ眼見升降機內如斯情況，第一個反應即呈「ｏ」形驚愕左一下，但仍戰戰兢兢地進入升降門。正當教師ｐｉｚｚａ打算回頭興師問罪既時時候，見到一片紫紅色既毛巾海。原來同學見到教師ｐｉｚｚａ回頭以為佢打算記下佢地樣子以便日後記ｗａｒｎｉｎｇ，遂以班巾作「遮醜布」既用途拼命往臉上蓋。大概教師ｐｉｚｚａ又口呈「ｏ」形，同學都唔敢再出聲。呢種掩耳盜鈴既方法實在自欺欺人，也許當時個班同學正天真咁口中碎碎唸：「你睇我唔到，你睇我唔到...」，所以請各位同學唔好隨便模仿。（小記ｒａｉｎｂｏｗ：我認為下次不如將自己摺起算啦）個位老師也許從此患上升降機ｏ嘴陰影症，一搭升降機就ｏ嘴，合唔埋口。
有殺錯冇放過 再世觀音何姓教師慘遭欺負
經過一日既打鬧，球賽亦因此結束，但上英文堂既時候同學潛伏已久既澎湃情緒再次爆發，又一位何姓教師遭殃......呢一日既何姓老師額上突然多左一個印記，樣子就有如電視上大家見到既觀音菩薩一樣，何姓老師對於班上某同學因參賽而冇時間進食午餐似乎起了憐憫，遂到教員室拿取餅乾跟飲料，其行為令班中不少同學欣賞，簡直就有如再世觀音，吸引不少信徙。
文：ｒａｉｎｂｏｗ，ｈｅｉｍａｎ＆ｙａｎ子
ｙａｎ子＠是緋黨ａｌｌ ｒｉｇｈｔｓ ｒｅｓｅｒｖｅｄ(c)
| | |
| 突擊新聞 【是緋專訊】敬啟者：由於近日各位成員心血來潮，決定將是緋日報「光復」，重見天日。Ｎ年前曾經係某一日報導出現過既路人ｈ係要求下加入本報，決心「飛上枝頭變鳳凰」獻身於是緋日報，並簽訂嚴苛既賣身契。唔知佢有否感覺被人賣入火坑萬劫不復，請有關人士參閱下列條例： １. 是緋日報成員必須有八掛精神，實行打爛沙盆問到"篤"。
２. 是緋日報成員必須有愛誇張事實既本能。
３. 是緋日報成員面皮必須厚過廁所板，要有唔知醜既採訪手法，將不為人知既"真相"一一採訪。
ｐｓ. 內容如有增減容後作論，本報將會另行通知。 文：ｙａｎ子＆ｂｏｗｂｏｗ
ｙａｎ子＠是緋黨ａｌｌ ｒｉｇｈｔｓ ｒｅｄｅｒｖｅｄ(c)
| | |
| 估唔到自己留低左咁多野係度， 突然有個衝動好想打返。 都估唔到自己寫d野可以令人地覺得開心， 雖然自己一d都唔覺得好笑。 希望3a同學可以開開心心啦! by rainbow /bowrain | | |
| ２００６年３月２０日
Ｒａｉｎｂｏｗ聲名大跌 再次遭人出賣
【是緋專訊】近日天氣反覆轉變，學校不少學生都病了。學校有見及此，又要學生於上學前自行量度體溫。一向大懵的ｒａｉｎｂｏｗ－口－”，因忘記填寫體溫表而受到老師的扣留。ｙ君初時還以為ｒａｉｎｂｏｗ因感染流感而缺席，ｙ君亦恐怕數日前已受到ｒａｉｎｂｏｗ感染而令自己生病，幸好一切都真相大白！/ v \"沒有ｒａｉｎｂｏｗ的存在，ｙ君和瑩瑩都感到十分寂寞。當其二人看見ｒａｉｎｂｏｗ能平安而回，尤如看到萬人迷般０口０，而ｒａｉｎｂｏｗ見並二人都破涕為笑，從進門口一刻都保持著"四萬咁口"的笑容，更傻呼呼的ｈｉ２人，令２人覺得她尤如從瘋人院走出來的病人一樣。＝ｖ＝”
Ｒａｎｉｂｏｗ自甘墮落
ｒａｉｎｂｏｗ似乎仍未覺得自己犯錯，仍不知悔改的四處說笑，ｙ君見狀亦的不過眼（ｒａｉｎｂｏｗ曰"那請你閉上眼吧！=.=不要再看了！"）。認識ｒａｉｎｂｏｗ的人都知道她為人笨拙，做事慢半拍，想不到她坐下長達十分鐘仍未為上課而準備＝０＝”。正當人人正在專心的上課，ｒａｉｎｂｏｗ才慢條斯理地找鎖匙開抽屜。此時已有不少同學受到騷擾，因為ｒａｉｎｂｏｗ發現自己的鎖匙不見了，四處找人幫助。坐在她前面的ｙ君不斷聽到自己身後傳來一句話"哎，我真命不久矣啦…"＝口＝"ｙ君只好嘆息。經過一番搜索後，ｒａｉｎｂｏｗ才發現鎖匙一直都放在自己書包。－.－”
Ｒａｉｎｂｏｗ再一次受到出賣
一段時間過後，其他同學又回復正常，專心地做練習。唯獨ｒａｉｎｂｏｗ正側在一邊，用手撐著腦袋呼呼大睡。ｙ君有見及此，於是便在課堂上大聲地說出一句"ｒａｉｎｂｏｗ你做緊咩丫？做咩唔做丫！？？"ｒａｉｎｂｏｗ被嚇了一跳，似乎這一嚇已把她嚇醒了ＸＤ"當ｒａｉｎｂｏｗ慢慢清醒過後，便對ｙ君作出反擊"你又做左未丫？我返屋企先做，唔俾丫～"ｒａｉｎｂｏｗ暗串ｙ君，可惜事與願違，ｙ君一早便已做妥了，ｒａｉｎｂｏｗ只好無言以對。
ｙａｎ子＠是緋黨ａｌｌ ｒｉｇｈｔｓ ｒｅｓｅｒｖｅｄ© | | |
|
